Əks Göstərişləri

Aktiv maddəyə və ya preparatın tərkibindəki hər hansı köməkçi maddələrə qarşı yüksək həssaslıq olan xəstələrdə;

Həmçinin, fərdi və ya ailəvi keçmişində medullar qalxanabənzər vəzi xərçəngi (MTC) olan xəstələrdə, eləcə də Çoxlu Endokrin Neoplaziya tip 2 (MEN 2) sindromu olan şəxslərdə istifadəsi əks göstərişdir.

Xüsusi göstərişlər və ehtiyat tədbirləri

Ağır pankreatit

Tirzepatidin pankreatit keçmişi olan xəstələrdə tədqiqatı aparılmamışdır və bu xəstələrdə ehtiyatla istifadə olunmalıdır.

Tirzepatid müalicəsi alan xəstələrdə ağır pankreatit halları bildirilib.
Xəstələrə ağır pankreatit simptomları haqqında məlumat verilməlidir. Əgər pankreatit şübhəsi yaranarsa, Tirzepatid dayandırılmalıdır. Pankreatit diaqnozu təsdiq edildikdə, Tirzepatid yenidən başlanmamalıdır.
Ağır pankreatitin digər əlamətləri və simptomları olmadıqda, yalnız pankreatik fermentlərin yüksəlməsi ağır pankreatiti proqnozlaşdırmır.

2-ci tip şəkərli diabetli xəstələrdə hipoqlikemiya

Tirzepatid qəbul edən xəstələrdə, insulin sekretaqoqu (məsələn, sulfonilurea) və ya insulin ilə birlikdə müalicə alındıqda, hipoqlikemiya riski artmış ola bilər. Hipoqlikemiya riskini azaltmaq üçün insulin sekretaqoqu və ya insulinin dozası azaldıla bilər.

Mədə-bağırsaq təsirləri

Tirzepatidin mədə-bağırsaq əlavə təsirləri ilə əlaqəsi olmuşdur, bunlara ürəkbulanma, qusma və ishal daxildir. Bu əlavə təsirlər dehidrasiyaya səbəb ola bilər, bu da böyrək funksiyasının pisləşməsinə (ağır böyrək çatışmazlığı daxil olmaqla) gətirib çıxara bilər.

Tirzepatid müalicəsi alan xəstələrə, dehidrasiya riski haqqında məlumat verilməli və maye itkisi və elektrolit pozulmaları qarşısında tədbirlər görülməlidir.Bu, xüsusilə yaşlılarda nəzərə alınmalıdır, çünki onlar bu cür fəsadlara daha çox meylli ola bilərlər.

Həssaslıq reaksiyaları

Tirzepatid istifadəsi zamanı həssaslıq (allergik) reaksiyaları müşahidə edilmişdir. Əgər belə reaksiya şübhəsi varsa, preparatın istifadəsi dərhal dayandırılmalıdır.

Kəskin böyrək zədələnməsi

Ağır mədə-bağırsaq əlavə təsirləri müşahidə olunan və böyrək funksiyası pozulmuş pasiyentlərdə böyrək funksiyası nəzarətdə saxlanmalıdır.

Ciddi mədə-bağırsaq xəstəlikləri

Tirzepatid ciddi mədə-bağırsaq xəstəliyi, o cümlədən ağır qastroparez (mədənin boşalmasının ləngiməsi) olan xəstələrdə istifadəsi öyrənilməyib və bu xəstələrdə ehtiyatla istifadə olunmalıdır.

Diabetik retinopatiya

Tirzepatid, kəskin müalicə tələb edən qeyri-proliferativ diabetik retinopatiyası, proliferativ diabetik retinopatiyası və ya diabetik makula ödemi (göz içində şişkinlik) olan xəstələrdə istifadəsi öyrənilməyib. Ona görə bu xəstələrdə ehtiyatla istifadə edilməli və müvafiq nəzarət olunmalıdır.

Qalxanabənzər vəzi C-hüceyrə şişləri riski

Tirzepatid istifadəsi ilə qalxanabənzər vəzin C-hüceyrəli şişləri riski müşahidə oluna bilər.

Yaşlı xəstələr

85 yaş və yuxarı xəstələr barədə çox az məlumat mövcuddur.

Ümumi anesteziya və ya dərin sedasiya zamanı aspirasiya riski

Ümumi anesteziya və ya dərin sedasiya zamanı GLP-1 reseptor aqonistləri qəbul edən xəstələrdə aspirasiya (ağciyərə qida və ya maye keçməsi) halları müşahidə olunmuşdur. Gecikmiş mədə boşalması səbəbilə mədədə qalıq qida ola bilər, bu da risk yaradır.

Natrium tərkibi

Bu dərman dozası başına 1 mmol-dan (23 mq) az natrium ehtiva edir. Yəni, praktiki olaraq ‘natriumsuz’ hesab olunur.